وحد الغبي يخدم فليجوندارم كانو دايرين باراج, حكم واحد مولا طاكسي وقالو وش تخدم قالو نخدم قاضي وعطالو البطاقة , وشافها الجدارمي الغبي قالوا تتمسخر بيا تخدم خظار وتقولي قاضي ؟؟؟؟ شاف البطاقة مرسوم فيها ميزان العدالة .
------------------------------
واحد يبيع القهوة بثلاث دنانير ، و كل يوم يجيه واحد و يحطلو دينار في شرق الحانوت و دينار في غرب الحانوت و دينار في الوسط و يقولو : اعطيني قهوة ، واحد النهار جابلو قطعة نتاع خمسة دنانير و قالو : اعطيني قهوة ، فرح القهواجي و قال هذي فرصتي باش نردلو ما دار فيا و راح جابلو قهوة و حطلو دينار في شرق الحانوت و دينار في غرب الحانوت و قالو : هذا الصرف ، حتان جبدلو الزبون دينار و حطو في النص و قالو زيدني قهوة.
-------------------------------
قالك واحد الولد جا خارج للخارج(مسافر للخارج) قالت لو يماه رنا سمعنا بلي فالخارج كاين دوا يرجع العجوز شابة مادابيك تبعث لنا منو شوية قالها مايكون غير خاطرك إوا منين خرج للخارج بعث لهم هذا الدواء بعد مدة ارجع للدزاير لقى دارهم يستانوه فالمطار بصح ماعرفهومش قالت لو يماه واش بيك اوليدي ماعرفتنيش؟؟ قال لها والله ماعرفتك وزيد هذا البيبي لي راكي رافداتو منين جبتيه !!! قالت لو ياوليدي هذا باباك ضرب الباصا كاملة.
-------------------------------
واحد السيد اسمه ابو علي اشرى سيارة وبدل الماركة تاعها (أبو علي) و في يوم حبسوه الجوندارمي قالولو علاش بدلت الماركة تاع سيارتك قال لهم علاش ابو ظبي خير مني؟؟؟؟
--------------------------------
تلميذ دخل للقسم متأخر ومن غير ما يدقّ الباب.. قالو الأستاذ: كوري؟؟ جاوبو التلميذ : لا .لا سيدي جزائري