"السلام عليكم"
جبتلكم نكت تنحي عليكم شوية أتمنى أن تنال إعجابكم
- قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول " اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني "
***
- قالك واحد حابس راح للفارماسيان باش يشري الدواء ..الفارماسيان أعطالو كاشيات و قالو :2 حبات مور القهوة
السيد راح ثم رجع وقال للفارماسيان : خويا معليش نشربهم مور الريستورو
***
- قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس لاتاي. شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير لاتاي..ههههه
****
***
- مرة وحدة هي و زميلتها قاعدين يحكيو الاولى قالت
انا زوجي ديما ينسى بورتابله و المفتاح نتاع الطاكسي
هدرت الاخرى قاتلها تنتي عندك الزهر انا زوجي كل يوم
يقولي وين شفتك من قبل ...ههههه
****
- ك الحمار عرض الحمارة لدارو كي دخلت الحمارة شافت الحمار معلق صورة الحمار الوحشي و سقساتوا : شكون هذا فقالها الحمار :هذا عمي كي كان يلعب في جوفانتوس ....ههههه
- وحد الخطرة وحد حمار حاشاك كان متكي على حيط شاف لعواد يديرو في السيباق غار قال ايه كون قريت كون راني كيفهم
***
- مصري كان يصلي وكان وراه ناس , المهم اللي وراه مدحوا صلاته , المصري يوم سمع المدح قطع صلاته وألتفت عليهم وقال : وكمان صايم
***
- قلك واحد النهار زوج خاوة واحد يسموه فريطيط ولاخر يسموه بريطيط قلك فريطيط دخل للحبس كي خرج كان محفف بولا زيرو ..كي شافو بريطيط سقساه باه حففت فقالو خوه بالماشينة أيا راح بريطيط للرايا تاع القطار و حط راسو ولما جاء القطار كلاكسونا عليه فقلو بريطيط :ما تقولي ني طيط ني بيط حففلي كيما خويا فريطيط ....ههههههه
سلام
الأحد نوفمبر 07, 2010 9:33 pm
